今日快报
爆刘思希做红娘！吕慧仪避嫌唔甫张景淳相？
无线处境剧《爱．回家之开心速递》嘅演员一向老友，日前「洋洋」刘思希（Lisa）完成行政人员工商管理硕士（EMBA）课程，毕业典礼就获同剧演员包括吕慧仪、张景淳同汤盈盈等到场祝福。吕慧仪今日喺社交网分享合照，仲大爆原来Lisa想做红娘！佢话：「恭喜洋洋EMBA毕业，谢谢你邀请我来你的毕业礼，还千叮万嘱我要到因为你要介绍你的男同学给我认识。」
由于Lisa个课程系由香港科技大学和美国西北大学凯洛格商学院合办，所以个毕业典礼都喺科大举行，而吕慧仪亦系呢间大学嘅毕业生，所以返番母校令佢感触良多，仲话今次来去匆匆，下次想约埋Lisa一齐返母校行吓，再一齐着番毕业袍影相添！不过网友嘅重点就反而落咗喺啲相度，留言问点解明明「龚烨」张景淳都有去，但就冇一张相有佢，唔通因为日前有传佢哋戏假情真，所以相都唔甫要避嫌？
拍剧拒太太探班！吴岱融：唔想畀佢见到…
艺人吴岱融出席儿童慈善时装骚活动，任表演嘉宾的他会唱许冠杰的《有酒今朝醉》。问到可是其饮歌？他说：「主要系搞吓气氛，首歌8岁到68岁都啱，唔系鼓吹饮酒！」至于他刚完成剧集《大酱园》拍摄，他坦言：「未正式到夏天已经差啲中暑几次，件戏服4层又唔透风，入面件衫热到湿晒都干唔到，喺外景拍十几个钟，以我年纪好彩有踢开波，顶得住热。」
问到太太可有去探班？吴岱融谓：「唔好啦，咁辛苦，唔想热到畀佢见到我啲嘴脸，咁佢都有煲凉茶同消暑汤我饮，两夫妻互相扶持啦。」他称现可以休息放吓假，会去沙巴、马来西亚，亦去新加坡探阿仔：「佢读紧电影特技，佢好enjoy嘅，但成日喺房对住部计算机，又少做运动，都专登买咗啲眼镜佢戴护眼，见佢黑眼圈好深。」
虽败犹荣 车保罗失落影帝有粉丝呵番
现年59岁的车保罗凭香港鲜浪潮短片《老人与狗》角逐「第2届台北电影节」最佳男主角，虽然败给电影《老大人》的7岁台湾老演员小戽斗，但一直抱平常心的他，觉得有得提名及到临盛会，亦感觉良好，并表示多年冇去台湾，可借今次机会见识一番，并感受到当地对演艺人很尊重，车保罗更与媒体分享他与出炉影帝小戽斗的合照，他说：「我喺台湾同出炉影帝出席咗一个分享会，大家有问有答，仲有影迷搵我签名，都几开心！」
拍戏必备！吴卓羲关智斌黄宗泽颈挂开工之宝
艺人吴卓羲（Ron）近日同好兄弟黄宗泽（Bosco）和关智斌（Kenny）拍戏，仲齐齐飞咗去泰国取景，虽然天气炎热，不过佢哋都拍得好开心，寓工作于娱乐添！呢日Ron喺网上甫出三兄弟合照，仲用极低抄角度影，三个颈上仲挂住开工之宝嘅风扇仔，齐齐大摆chok样，果然真系「没有最chok，只有更chok」，Ron留言：「泰国三兄弟森林战毒点中。」网民仲话咁低抄都系咁靓仔，一啲双下巴都冇，羡慕死人喇！
袁伟豪惊太兴奋即有喜事
艺人袁伟豪出席儿童时装骚，他称近日圈内圈外朋友都生了小朋友。问到可会心思思？他笑言：「锺意抱佢哋，抱住先啦！慢慢嚟，我怕我突然之间心态太过兴奋，你哋就会听到有喜事。（咁咪好囉？）小朋友嘅嘢要计划，结婚就可以好随性，但小朋友唔系一朝一夕，要好好计划将来。（咁你要好小心呀？）咁造人系要谨慎啲好。（但你妈咪应该开心喎！）我知我阿妈等紧嘅，成日都话想『饮茶』，我话饮茶咪同你出去饮囉。」
讲到他是时候结婚，袁伟豪坦言：「我都觉得系到呢个阶段嘅，但都要准备，要同自己同双方家长交代，都有倾偈嘅，会打探佢锺意去边度玩。（会似萧正楠咁秘密行事定系铺张大搞？）暂时未答到你，不过呢个系开心事，有能力咪铺张囉，如果时间唔许可，可以拣咪舒舒服服简单啲，到时先返嚟请大家食饭，所以戴结婚戒指同求婚嗰一下都好睇嗰一刻嘅心情，突然之间心血来潮好想做呢一步，就做囉。（求婚未？）未求，我唔会系求咗婚，话自己未求婚嘅！」
操劳过度 甄珍头晕呕吐被送入院
两届亚洲影后甄珍连日忙住举办经典影展，不停出席多个活动又要接待老朋友及嘉宾，早前已经因为休息不足导致胃出血，但她没有听医生劝告休息，终于体力不支于今日凌晨因头晕及屙呕被送入医院。身为主人家的甄珍担心对捧场的艺人朋友招呼不周，连接机送机及车辆都亲自打点，结果因为过劳而病倒。今日凌晨其助手叫救护车送她入院，经过治疗后及打了止呕针后已无大碍，抽血报告指她血小板及红血球正常，已出院并休养中，而甄珍表示身体状况已好了一点。
甄珍助手阿蓉接受访问时表示：「医生要详细检查先知咩病因，暂时唔太清楚，可能系中暑或者食错嘢，又或者忙影展嘅事，日日行程好忙，搞到身体虚弱。」
另外，昨日甄珍在高雄为自传举行签名会，到场的好友有旧拍档秦祥林、秦沛、李琳琳夫妇、胡锦、周丹薇及儿子章立衡，还有一班好友更为她预祝7号的72岁生日。
《白色强人》开续集？马国明：我冇乜所谓！
艺人马国明出席商场活动，提到不少观众都期待电视剧《白色强人》开续集，他称仍未知会否开拍：「要睇监制，佢哋未有指示，要睇监制同编审意向，开续集唔系睇观众反应好唔好，而系睇个故事可唔可以发展落去。（你想唔想？）我冇乜所谓，冇刻意想定唔想，要睇编剧有冇空间写落去。」有指他经常饰演医生，他笑言以前训练班初出道的确演过医生甲乙丙，但正式有角色只是演过四次，不算太多。
另外，之前他与谭嘉仪合唱剧集插曲，但网民反应一般：「啲人都知我唱歌麻麻哋，我唱歌系玩票性质，唔介意啲人话我唱得好定唔好，有啲粉丝都话我唱得好听。不过叫我唱多啲我都唔想，除非做活动，不过我都有听大家嘅意见，登台前我有练歌，但平时我都唔去卡拉OK。」
往期内容
↓↓↓添加Miss.K个人号↓↓↓
欢迎勾搭
?转载授权北京白癜风治疗价格北京治疗白癜风的多少钱
转载请注明：http://www.feilvbina.com/fbzz/3195.html
当前位置： 菲律宾 > 菲律宾政治 > 白色强人开续集车保罗失落影帝甄珍
